(Dërguar më: 25/05/09) Rreth 12 vjet më parë, njerëz të panjohur ekzekutuan komisionerin e PR. GSH meson se Policia ndan pistat e para me dyshime konkrete për atentatin ndaj deputetit të PS në Roskovec. Xhindi, mësohet se është zgjedhur për herë të parë deputet në atë zonë kur ndodhi edhe vrasja e komisionerit

TIRANE -Hetimet për vrasjen e deputetit Fatmir Xhindi, rikthejnë ekzekutimin “fshatçe” të komisionerit të Partisë Republikane në zonën e Roskovecit, B. Caushaj. Gazeta Shqiptare ben te ditur se Policia dhe Prokuroria e Krimeve të Rënda ka kaluar në sitë të gjithë të afërmit e viktimës së 12 vjetëve më parë. Deputeti i ndjerë Xhindi, mësohet se është zgjedhur për herë të parë deputet në atë zonë, në vitin 1997, kur ndodhi edhe vrasja e komisionerit. Ngjarja është konsideruar e mbyllur prej vitesh me radhë, pas një vrasjeje për motive hakmarrjeje të kryer nga të afërm të Caushajt, të cilët brenda 10 ditëve ekzekutuan një person, mbiemri i të cilit ishte Shehu, i akuzuar prej familjes së komisionerit si personi që kishte qëlluar mbi të. Grupi i hetimit ka shoqëruar fillimisht dy kushërinjtë e afërt të komisionerit G.K dhe P.K., për të parë lëvizjet e tyre gjatë kohës kur ndodhi vrasja e deputetit Xhindi.

Xhindi, deputet në Parlamentin shqiptar prej zgjedhjeve të vitit 1997, u ekzekutua nga të paktën 9 plumba pas shpine, teksa hapte portën për të hyrë në shtëpinë e tij modeste dykatëshe, në lagjen numër 1 të Roskovecit. Ngjarja ndodhi në orën 21:00 të 2 prillit dhe rezulton e pazbardhur, ndonëse janë angazhuar mbi 100 oficerë dhe prokurorë të Qendrës dhe në Fier. Edhe pse është vendosur një çmim prej 250 mijë eurosh për personin që do të spiunojë vrasësin e deputetit Xhindi, grupi i hetimit nuk ka arritur ende tek ndonjë autor konkret për ngjarjen. Burimet pranë grupit të hetimit janë shprehur se ekziston edhe një pistë tjetër për motive të dobëta, por që në fakt nuk ka të bëjë me deputetin, por me një nga djemtë e tij.

(d.b/BalkanWeb)

(Dërguar më: 25/05/09) Në këtë atentat, që mediat italiane e përshkruajnë si të tipit “Far West” mbetën të plagosur edhe 2 shtetas italian dhe një shqiptar. Një i panjohur qëlloi ndaj 57 vjecarit anëtar i i familjes mafioze Krisafulli.

MILANO- Një shqiptar ka mbetur i plagosur në një atentat me armë ku objektiv ishte një anëtar i familjes mafioze Krisafulli, Franko Krisafulli 57 vjec. Media italiane bën të ditur se Krisafulli, kishte vetëm pak kohë që kishte dalë nga burgu dhe dy vëllezërit e tij ishin dënuar me burg përjetë për trafik droge.

Ngjarja ndodhi mbrëmë në një lokal në lagjen periferike të Milanos, Kuarto Oxhiaro, ku dhe vepronte klani mafioz. Mediat bëjnë të ditur se 57 vjecari është qëlluar me 4 plumba, disa prej të cilave i ka marrë edhe në fytyrë.

Në këtë atentat, që mediat italiane e përshkruajnë si të tipit “Far West” mbetën të plagosur edhe 2 shtetas italian dhe një shqiptar. Njëri prej italianëve është në gjendje të rëndë shëndetësore, ndërsa dy të plagosurit e tjerë janë dërguar në spitalin e Sacco e S.Carlo. Mjekët thonë se i pari ka plagë në krah, ndërsa shqiptari është plagosur në këmbë.

Klani Krisafulli ishte vendosur në lagjen Quarto Oxhiaro në vitet ’70-80 dhe ishte bërë protagonist i vrasjeve të ndryshme dhe trafiqeve të paligjshme. Klani ishte shpërdarë nga një operacion antidrogë që ishte kryer në 1994 me emrin “Tokë e djegur”.
(s.g/Repubblica/BalkanWeb)