Salih Berisha, der berühmteste Albanische Theater Spieler und Stratege in Amerika

(Dërguar më: 06/02/09) Kryeministri Berisha pritet në takim nga sekretarja amerikane e shtetit Hillary Klinton. “Ishte një takim i shkëlqyer” tha kreu i qeverise shqiptare në përfundim të tij, ndërsa pohoi premtimin dhënë Shteteve të Bashkuara të Amerikës për dërgimin e një tjetër kompanie shtesë në Afganistan, në luftën kundër militantëve.Temë tjetër e diskutuar në këtë takim ishin zgjedhjet në vend si dhe ligji i shume diskutuar i dosjeve, për të cilin Berisha ka siguruar Clinton se nuk është bërë për kundërshtarët politikë.

SHBA- Kryeministri Berisha u takua sot në Shtetet e Bashkuara të Amerikës me sekretaren amerikane të Shtetit, Hillary Clinton. Në qendër të bisedimeve të këtij takimi kanë qenë zgjedhjet e qershorit dhe ligji i shumë përfolur i dosjeve.
Kryeministri Berisha i ka bërë të ditur Clinton se zgjedhjet e qershorit do të jenë të drejta , të lira dhe demokratike.

“Zgjedhjet e ardhshme parlamentare do të jenë demokratike. Ndërsa sa për ligjin e lustracionit, mund të them se ai nuk do të përdoret kundër kundërshtarëve politikë”, është shprehur Berisha.
Ndër të tjera, Berisha e ka bërë me dijeni sekretaren amerikane të shtetit se Shqipëria është e gatshme për të dërguar trupa shtesë drejt Afganistanit. Edhe procesi i anëtarësimit të Shqipërisë në NATO nuk ka mbetur pa u diskutuar, gjatë këtij takimi.
Kryeministri është takuar edhe me zyrtarin e Departamentit Amerikan të Shtetit, Stuart Jones, me të cilin ka dale edhe në një konferencë të përbashkët për shtyp, ku janë vlerësuar si të shkëlqyera marrëdheniet mes dy vendeve.

Pyetjes nëse Shqiperia do të pranonte të burgosur të tjerë nga burgu famëkeq i Guantanamos pas mbylljes së tij, Berisha u përgjigj: “Pozicioni i Shqipërisë është ky , ne edhe një vit më parë kemi qenë për mbylljen e burgut, kontributi që dhamë ishte modest, por jemi të kënaqur që e dhamë. Përshendesim vendimin e presidentit Obama për mbylljen e këtij burgu”.

Shtetet e Bashkuara e kanë miratuar tashmë pranimin e Shqipërisë në NATO. Kryeministri i Shqipërisë, Sali Berisha, është ndër udhëheqësit e parë botërorë që Sekretarja e Shtetit, Hillary Clinton, pret gjatë dy javëve të saj të para në këtë post.

Në takim e tyre u diskutuan gjithashtu edhe çështjet me interes për të dy palët, si të drejtat e njeriut, energjia, e të tjera. Pas takimit, zoti Berisha dhe ndihmës sekretari i Shtetit, Stjuart Xhons, bënë komente për shtypin

(e.n/a.r/balkanweb)