Hashim Thaci und Walter Steinmeier zum aktuellen Geschehen Kosovo

Vizita e Serbeve, reagon Thaçi: Ishim të lajmëruar

“>Vizita e Serbeve, reagon Thaçi: Ishim të lajmëruar
Erion Kaçorri
Vizita e delegacionit ministror të Qeverisë së Serbisë që po realizohet në Kosovë, është bërë me dijen e Prishtinës. Deklarata erdhi nga kryeministri i Kosovës Thaçi i cili u shpreh se institucionet vendore kanë qenë të njoftuara nga autoritetet ndërkombëtare për këtë vizitë.

PRISHTINE- Vizita e sotme e ministrit të Serbisë për Kosovën Goran Bogdanoviç është bërë për herë të parë me lejen e institucioneve të Kosovës, ka deklaruar kryeministri i Kosovës Hashim Thaçi, sipas të cilit autoritetet e Beogradit kanë kërkuar leje nga autoritetet civile ndërkombëtare në Kosovë. Ndërkohë që këto të fundit kanë kërkuar pëlqimin edhe të institucioneve të Kosovës. Në këtë mënyrë, kryeministri kosovar ka hedhur poshtë spekullimet në Prishtinë se vizita e autoriteteve Serbe në Graçanicë është bërë pa pyetur zyrtarët në Prishtinë. Ministri për Kosovën në qeverinë serbe, Goran Bogdanoviç, ai për pushtetin lokal, Millan Markoviç, këshilltari i presidentit të Serbisë, Mllagja Gjorgjeviç dhe drejtori i Postës dhe Telekomit të Serbisë, Goran Qiriç mbërritën sot në Graçanicë. Qellimi i vizitës së tyre ishte pjesëmarrja në ceremoninë e rihapjes së zyrës së Post-Telekomit të Serbisë në Graçanicë. Nderkohe që kanë zhvilluar takime edhe me kryetarët e komunave të Kosovës qendrore. Këto struktura komunale nuk njihen nga autoritetet ndërkombëtare dhe ato kosovare.
Ndërkaq kryeministri i Kosovës është shprehur se raporti I Ban Ki Mun për Kosovën, ku përfshihet edhe plani gjashtë pikësh nuk është i detyrueshëm për Kosovën. Në raportin e Këshillit të Sigurimit është i përfshirë edhe 6-pikëshi, edhe 4-pikëshi kosovar. Ai dokument nuk është obligativ, ndërsa në deklaratën presidenciale ka një mesazh të vullnetit të mirë dhe se institucionet e Republikës së Kosovës do të respektojnë vetëm Kushtetutën e vendit”, tha Thaçi.
Sipas lidershipit të Kosovës, dokumentet e vetme që do të implementohen në Kosovë, janë Kushtetuta dhe plani i presidentit Ahtisaari. (a.r/balkanweb)

“>Steinmeier: Pavarësia e Kosoves, ngjarja kryesore e 2009

(Dërguar më: 22/12/08) Shpallja e pavarësisë dhe njohja ndërkombëtare e Kosovës janë disa nga ngjarjet kryesore politike të vitit që po e lëmë pas, ka vlerësuar shefi i diplomacisë gjermane, Steinmeier. Jam i lumtur që ia kemi dalë të gjejmë bazën juridike për fillimin e punës së EULEX-it dhe se tani mund të presim sjellje me konstruktive nga ana e Serbisë ka deklaruar shefi I diplomacise Gjermane.

GJERMANI- “Shpallja e pavarësisë dhe njohja ndërkombëtare e Kosovës janë disa nga ngjarjet kryesore politike të vitit që po e lëmë pas”, ka vlerësuar shefi i diplomacisë gjermane, Frank Walter-Steinmeier.
“Jam i lumtur që ia kemi dalë të gjejmë bazën juridike për fillimin e punës së misionit EULEX dhe se tani mund të presim sjellje me konstruktive nga ana e Serbisë. Sepse sipas tij ka ekzistuar një rrezik dhe një rrisk i madh për shtetin e ri që për shkak të mungesës së bazës juridike, EULEX-i të jetë kompetent vetëm ne nje pjesë të Kosovës. Tashmë mendoj se kemi vënë bazën e duhur”, tha Steienmeier para gazetarëve.
Sipas tij, suksesi i misionit Europian do te varet nga veprimi konstruktiv i qeverisë së Kosovës.
“Ne shpresjme për kontributin saj në mënyrë që sa më parë të vendoset shteti juridik”, është shprehur Shtajnmajer. (a.r/news24/balkanweb)

Dieser Eintrag wurde am 22.12.2008 um 22:21 verfasst und befindet sich in Kosovo-Albanien (Albanian), Balkan. Sie können alle Antworten zu diesem Eintrag über den Feed RSS 2.0 mitverfolgen. Hinterlassen Sie eine Antwort oder einen Trackback-Link zu Ihrer eigenen Homepage.